«Հազարան Հավք» տիկնիկային թատրոն

Ներկայացնում են Արևմտյան դպրոցի ընտրությամբ թատրոնի գործունեության խմբի սովորողներ ՝ Սոֆի Օհանյանը, Հայկ Հայրիյանը և Էսթեր Մնացականյանը:

Այսօր ևս մեկ անգամ վերընթերցեցինք «Հազարան Հավք» հեքիաթը, և փորձեցինք երգի ու տիկնիկների միջոցով պատմել հեքիաթը: Թե ի՞նչ է ստացվել, կարող եք դիտել տեսանյութում՝

Ընտրությամբ թատրոնի գործունեություն. Ծրագիր

Թատրոնը որպես ընտրությամբ գործունեություն Կրթահամալիրի կրտսեր և Միջին դպրոցներում:

2020-2021 թթ. ուսումնական տարվա շրջանակներում ընտրությամբ թատրոնի գործունեության դասաժամերը նախատեսված է շաբաթական 4 ժամ յուրաքանչյուր դպրոցում: Ուսումնական նախագծերը կազմվում են ըստ Կրթահամալիրի սահմանված օրացույցով: Ծրագիրն իր մեջ նեռառում է ծեսեր, ստուգատեսներ, ուսումնական ճամփորդություններ, համագործակցային աշխատանքներ, սովորող-սովորեցնող նախագծեր:

Յուրաքանչյուր ուսումնական շրջան ունի համապատասխան հրապարակված նախագծեր, ըստ որի սկսում ենք աշխատանքները: Սկզբնական շրջանում ծանոթանում ենք բեմադրվող նյութին, կարդում, վերլուծում, ստեղծում ենք կերպարներ, կերպարին համապատասխան շարժուձև, ձայն: Որից հետո փորձում բեմադրել:

Կրթահամալիրում ընտրությամբ թատրոնի դասավանդման առաջնային նպատակներից է զարգացնել սովորողների երևակայությունը, լեզվամտածողությունը, ազատ և անկաշկանդ խոսքի հմտությունները, գեղարվեստական ճաշակը, բեմի վրա անկաշկանդ շարժվելու և խաղալու կարողությունները, կարդացածը վերարտադրելու, պատկերացնելու և բեմադրելու կարողությունները:

Սովորողների հետ աշխատում ենք նաև համապատասխան գիտելիքներ և փորձ ձեռք բերել հետևյալ ուղղություններում

  • ստվերային թատրոն
  • տիկնիկագործություն
  • աուդիոհեքիաթների ստեղծում
  • երաժշտական թատրոն
  • տիկնիկային թատրոն
  • տիկնիկագործություն
  • կերպարների ստեղծում
  • և այլ

Դասաժամերի ընթացքում կազմակերպվելու են ուսումնական ճամփորդություններ տարբեր թատրոններ, ներկայացումների դիտում, ֆիլմդիտումներ, քննարկումներ:

Տարեվերջյան ներկայացում. Արևելյան դպրոց

Արևելյան դպրոցի ընտրությամբ թատրոնի գործունեության խմբի սովորողները հրավիրում են իրենց տարեվերջյան ներկայացմանը:

Վայրը — Արևելյան դպրոցի վերնատուն

Օրը — Հունիսի 16-ին, ժամը 13:00-ին

Ծրագրում ՝

  • Ջիանի Ռոդարի — Ինչպես հորինել թվեր
  • երաժշտական և համր էտյուդներ
  • իմպրովիզներ

Բանգլադեշյան հունիսյան պլեներ՝ հունիսի 14-26ը. Նախագիծ «Հազարան հավք»

Մասնակիցներ — Կրտսեր դպրոցների ճամբարականներ

Ժամանակահատվածը — հունի 14-26ը

Ընթացքը՝  Ճամբարականների հետ միասին «Հազարան հավք» հեքիաթը հատված-հատված ընթերցում ենք, վերլուծում, դերաբաշխում: Տեխնոլոգի օգնությամբ ճամբարականները պատրաստում են կերպարներ, ավելացնում ենք ազգային երգեր ու մեղեդիներ որից հետո միասին բեմադրում ենք: Արդյունքում ունենում ենք  «Հազարան հավք» հեքիաթի վիդեոտարբերակը, կենդանի խոսքով, երեխաների և տիկնիկների խաղով:

Նպատակը՝

  • դերասանական հմտությունների ձեռքբերում
  • երաժշտական հմտություններ ձեռքբերում
  • ազգային երգի ու մշակույթի յուրացում
  • երաժշտական ճաշակի ձևավորում
  • երգով ու խաղով «Հազարան հավք» հեքիաթի յուրացում

Երգեր`

  1. Գովենք, գովենք

2. Ծառ ծաղկեցավ

3. Քելե քելե

4. Այ լորիկ

5. Գացեք տեսեք

6. Տո լաո

7. Արեգի գովքը — դե տղերք

8. Պսակ-պսակ

9. Զնգլիկ օրոճ

Նախագիծը համագործակցային է կրթահամալիրի երաժշտության դասավանդողներ՝ Մարիամ Մնացականյանի և Մարինե Ոսկանյանի հետ:

Ա մաս I
ԱՐԱՆ ԹԱԳԱՒՈՐՆ ՈՒ ԱՆՄԱՀԱԿԱՆ ԱՅԳԻՆ

Հին ժամանակներում, երբ դեռ գառն ու գէլը միշտ խաղում էին իրար մօտ, արեւլուսի կողմերում թագաւորում էր բարի Արան թագաւորը:

Երգ – Թագավորի գովքը — Գովենք, գովենք

Արան թագաւորը, անձրեւի նման ամէնքի վրայ էլ հաւասար թափւում էր նրա բարութիւնը: Էսպէս թագաւորեց երկար ժամանակ: եօթը ճամբի մէջտեղում շինեց Անմահական մշտադալար այգին: Անմահական այգի մի ասի՝ մի դրախտ ասա.:

Երգ – Ծառ ծաղկեցավ

մաս II — ՊԱՌԱՒԻ ՈՐԴՈՒ ՄԱՀԸ

Արան թագաւորի քաղաքում մի պառաւ կին է լինում. Օրերից մի օր էս պառաւի տղէն հիւանդանում է, ու սիրտը խաղող է ուզում: Պառավը վեր է կենումգնում: Ինչքան խնդրում է, աղաչումպաղատում է, քարսիրտ այգեպանները բան չեն տալիս, Էդպէս խաղող կանչելով էլ էն գիշեր պառաւի որդին մեռնում է:

մաս III — ՊԱՌԱՒԻ ԱՆԷԾՔՆ ՈՒ ԱՅԳՈՒ ՉՈՐԱՆԱԼԸ

Ո՜վ, գթառատ, քեզ եմ խնդրել.
Լսի՛ր, ծերացած խեղճ մօր անէծքին.
Էս աշխարհքից իմ որդին գնաց՝
Շրթունքը ցամաք, լեզուն չորացած,
Ու ինչպէս որդիս իր մօր գրկին
Գնա՜ց՝ կարօտ, աչքն աշխարհքին,
Նրանք էլ թող իրենց կեանքից
Կարօտ գնան լիքն աշխարհքից.
Դրախտ այգին կտրի չոր փուշ,
Իրենք գազան` չար ու ապուշ:
Պառաւն անիծում է թէ չէ,
Աստծոյ հրամանով Այգին չորանում է.

Երգ — Քելե-քելե

մաս IV — ԾԵՐՈՒՆԻ ՀՐԷՇՏԱԿԸ

Լուրը գնում է հասնում Արան թագաւորին: Թագաւորը մէնակ փակւում է իր պալատում ու միտք է անում: Էս միտք անելու ժամանակ յանկարծ նրա առջեւ հրաշքով յայտնւում է մի սպիտակահեր, ծերունի: — Արան՝ թագաւոր, քո ցաւի ճարը Հազարան Հաւքն է, եթե Հազարան Հաւքը մի օր արշալոյսին երգի քո Այգում, Այգին կը կանաչի.

Երգ — Այ լորիկ

մաս V — ԱՐԵԳՆ ՈՒ ԵՂԲԱՅՐՆԵՐԸ ԳՆՈՒՄ ԵՆ ՀԱԶԱՐԱՆ ՀԱՒՔԸ ՈՐՈՆԵԼՈՒ

Արան թագաւորը երեք որդի է ունենում՝ մեծ, միջնէկ, փոքր: Փոքրի անունն Արեգ է լինում: Թագաւորը կանչում է որդիներին: Ասում է. — Ա՛յ որդիք, տեսնում էք՝ մեր տէրութեան զարդն ու փառքը փչացաւ: Մեր այգու միակ ճարն ու հնարը Հազարան Հաւքն է, որ ապրում է Կախարդական աշխարհքում: գնացէք Կախարդական աշխարհքը, Հազարան Հաւքը գտէք.

Երգ — գացեք տեսեք

մաս VI — ԿԱԽԱՐԴԱԿԱՆ ԱՇԽԱՐՀԻ ՃԱՆԱՊԱՐՀՆ ՈՒ ՀՍԿԱՅ ԾԵՐՈՒՆԻՆ

Որտեղ ես, հե՜յ, Կախարդական աշխարհք, քեզ ենք գալիս: Ճանապարհին հանդիպում են մի սպիտակամորուս ծերունու.
-Բարի օր, էս ճանապարհները ուր են տանում:
-Էս լէն ու մեծ ճանապարհով գնացողին ոչ մի նեղութիւն չի պատահի: Միջին ճանապարհով գնացողն էլ կարող է յետ գա, Իսկ էս նեղ ու քարքարոտ ճամփից մինչեւ օրս յետ եկող չեմ տեսել. ով գնացել է, էլ յե՛տ չի՛ եկել

-Ի՜նչ են դեւեր ու հրէշներ, երկիւղ չունեմ ես՛, ինչ էլ պատահի, ես պիտի գնամ Հազարան Հաւքը բերեմ, որ Այգին ծաղկի, գազանը մարդ դառնայ: Օրհնում է Արեգին ծերունին, խրատում ու ճանապարհ դնում դէպի Կախարդական աշխարհք:

Երգ — Տո լաո

մաս VII — ԱՐԵԳԸ ՍԵՒ ԱՇԽԱՐՀՈՒՄ

Գնում է արի Արեգը, գնում, հասնում է Սեւ աշխարհ: Փախի՛ր արագ, անա՛հ տղայ, սիրո՛ւն տղայ, թէ չէ ուր որ է՝ Սեւ մարդակեր դեւը կը գայ, հազար պատառ կ’անի քեզ…
-Ես վախ չունեմ, սիրո՛ւն աղջիկ, ինչ սեւ հրէշ կ’ուզի թող գայ,
— Արի Արեգն եմ ես, քո սեւ մահն եմ բերել, լարում աղեղը ու նետով զարկում Սեւ դեւին։ Սեւ դեւը տեղնուտեղը շունչը փչում, սատկում է: Սատկում է թէ չէ, արեւ է բացւում Սեւ աշխարհքի վրայ: Էստեղ աղջիկը խնդրում է, թէ՝ ինձ էլ տար քեզ հետ, կտրի՛ճ տղայ, ես քոնն եմ:

մաս VIII — ԱՐԵԳԸ ԿԱՊՈՒՅՏ ԱՇԽԱՐՀՈՒՄ

Ու Արեգը գնում, գնում, հասնում է Կապույտ աշխարհ.
— Ով կայ էստեղ՝ շունչ կենդանի, Էս ինչ է եղել ձեր երկրին, ով է ձեզ էդպէս արել, պալատը:

Լսի՛ր ինձ, ահե՛ղ ծովերի արքայ,
Ա՛ռ, նշանն ահա քո սեգ աղջկայ,
Տո՛ւր ինձ Քամի Ձին՝ հասնեմ փափագիս,
Էն Հաւքը բերեմ, հասցնեմ այգիս,
Փուշը վարդ փոխեմ թովչական երգով,
Ու գազանը՝ մարդբանական հոգով:

մաս IX — ԱՐԵԳԸ ԿԱՐՄԻՐ ԱՇԽԱՐՀՈՒՄ

Քամի Ձին ծիածանի վրայով էլ անց կացաւ ու Արեգին իջեցրեց Կարմիր աշխարհի Կարմիր քաղաքի մօտ: — Ինձ տար հուրիփերիների, լուսեղէն ոգիների մշտադալար Այգին, հրամայեց Արեգը:

մաս X — ԱՐԵԳԸ ՀՈՒՐԻ-ՓԵՐԻՆԵՐԻ ՄՇՏԱԴԱԼԱՐ ԱՅԳՈՒՄ

— Մնա մեզ մօտ, մնա՛ մեզ մօտ՝ միշտ ուրախ ու երջանիկ, անյոգ ու զուարթ…
— Ոչ, նպատակ ունեմ, պէտք է գնամ իմ նպատակի յետեւից: Պէտք է գտնեմ Հազարան Հաւքը, որ փուշը նորից վարդ դարձնեմ,
— Հազարան Հաւքը պահւում է Կախարդական անմեռ աշխարհում, կախարդական ապարանքի մէջ, ուր քնած է Հազարան Հաւքի Տիրուհին: Սիրո՛ւն տղայ, դու պէտք է գնաս Սպիտակ աշխարհ, անցնես Սպիտակ ծովը, մտնես Կախարդական աշխարհ Արեգը բռնեց ոսկի սանձը ու սուրաց երկնքով դէպի Սպիտակ աշխարհ:

մաս XI — ԱՐԵԳԸ ՍՊԻՏԱԿ ԱՇԽԱՐՀՈՒՄ

Թռա՜ւ, թռա՜ւ Քամի Ձին ու հասցրեց Արեգին Սպիտակ աշխարհի սահմանը: Պատահեց մի աժդահակի։ Աժդահակը խրատեց Արեգին ու ճանապարհ դրեց:

Երգ — Արեգի գովքը — դե տղերք

ԱՐԵԳԸ ԿԱԽԱՐԴԱԿԱՆ ԱՇԽԱՐՀՈՒՄ

Արեգն Աստուած կանչեց ու գնաց:
Հե՜յ, Կախարդական աշխարհ, ուր ես, քեզ եմ գալի: Անցաւ եօթ վարագոյրների միջով ու յայտնուեց Կախարդական աշխարհի Տիրուհու սենեակում:

Մութուլուսին Հազարան Հաւքը երգեց ու մշտադալար բուրեան վարդի փնջեր թափեց բերանից: Ու ի՜նչ հրաշք. Այգին կանաչեց, Եւ ամէնն ու ամէնքը դարձան ասես նորից նոր ծնուած, մաքուր, անմեղ ու անարատ:

Արեգն ու անտեսաննման Տիրուհին ամուսնացան: Եօթ օր, եօթ գիշեր հարսանիք արին Անմահական այգում: զարկեցին թմբուկներն ու երգեցին.

Երկնէր Երկին, երկնէր Երկիր,
Երկնէր եւ ծովն ծիրանի,
Երկն ի ծովուն ունէր եւ զկարմրիկն եղեգնիկ:
Ընդ եղեգան փող ծուխ ելանէր,
Ընդ եղեգան փող բոց ելանէր,
Եւ ի բոցոյն վազէր խարտեաշ պատանեկիկ:
Նա հուր հեր ունէր,
Բոց ունէր մորուս Եւ աչկունք էին արեգակունք:

Երգ — Պսակ-պսակ, զնգլիկ օրոճ

Ծերունի Արան թագաւորը իր թագաւորութիւնը յանձնեց Արեգին: Արի՛ Արեգը բազմեց հօր գահին, եղաւ արի արքայ ու էն երկնքի պայծառ արեւի նման, արարչական սիրով, արդար ու բարի թագաւորեց յար ու յաւիտեան: