Հանդիպում-քննարկում՝ թատրոն, թե՞ կինո

Այսօր ներկա եղա Միջին դպրոցի 8րդ դասարանի սովորող՝ Սեդա Ստեփանյանի նախաձեռնած հանդիպում-քննարկմանը: Հանդիպման թեման էր թատրոնի և կինոյի առանձնահատկությունները, նմանություններն ու տարբերությունը: Հանդիպումը վարում էին Կրթահամալիրի սովորող Սեդա Ստեփանյանը, և նրա ընկերները՝ Գրիգ Խանգելդյանը, Արեն Հովհաննիսյանը և Գևորգ Մարգարյանը, ովքեր սովորում են Trio Studio-ի դերասանական բաժնում: 

Ներկայացում Հ.Թումանյան «Բարեկենդանը»

Նախագծային աշխատանք

Հարավային դպրոցի թատրոնի ընտրությամբ գործունեության խմբի սովորողները ներկայացնում են Հովհաննես Թումանյանի «Բարեկենդանը» հեքիաթի մոտիվներով ներկայացումը.

Հովհաննես Թումանյան «Քառյակներ»

Նախագծային աշխատանք

Թումանյանի քառյակները ներկայացնում են Միջին դպրոցի թատրոնի ընտրությամբ գործունեության խմբի սովորողները: Քառյակները բեմադրել ենք մնջախաղի էլեմենտներով, փորձել ենք մեկ թաշկինակի միջոցով իրար կապել քառյակներում առկա խնդրիները.

Տիկնիկային շրջիկ թատրոն. Նախապատրաստական աշխատանքներ

Կրթահամալիրի թատրոնի ընտրությամբ գործունեության խմբերում շարունակվում են տիկնիկային շրջիկ թատրոնի նախապատրաստական աշխատանքները: Սովորողները շարունակում են յուրացնել իրենց խոսքերն ու կատարել համապատասխան առաջադրանքները: Բեմադրում ենք «Գնդլիկ բոքոնիկ» և «Ծուղրուղուն» հեքիաթները:

Հրավեր. «Ամենատարբեր առավոտներ» խորագրով Էտյուդների ցուցադրություն

Վայր ՝ Արևելյան դպրոց, վերնատուն

Օրը՝ 01.12.2021

Ժամը ՝ 10:00ին

Հանդիսատես՝ Արևելքի ընտրությամբ խմբեր

Արևելյան դպրոցի թատրոնի ընտրությամբ գործունեության խումբը հրավիրում է դիտելու հետաքրքիր երաժշտական էտյուդների շարքը:
«Ամենատարբեր առավոտներ»՝ այսպես ենք կոչել էտյուդների շարքը, քանի որ գործողությունները կատարվում են վաղ առավոտյան, ու պատմում ամենատարբեր արկածների ու խոչընդոտների մասին: Էտյուդները սովորողների վառ երևակայության արդյունքն են, յուրաքանչյուր սովորող ինքն է հորինել իր էտյուդի սցենարը:

«Սեբաստացու օրեր» Թատերական էտյուդների ֆլեշմոբ ներկայացում

Մասնակիցներ՝ Կրթահամալիրի ընտրությամբ թատրոնի գործունեության խմբեր

Ժամանակահատվածը՝ Նոյեմբերի 1-30ը

Նպատակը՝

  • զարգացնել ստեղծագործական երևակայությունը
  • դերասանական հմտությունների ձեռքբերում
  • երաժշտությունը լսելու, վերլուծելու կարողությունների զարգացում
  • երաժշտության ներքո ինչ որ գործողություն պատկերացնելու , բեմադրելու կարողությունների զարգացում
  • մարմնի ճկունության զարգացում
  • երևակայության զարգացում

Ընթացքը՝ սովորողներն ունկնդրում են տարբեր երաժշտություններ, փորձում են երևակայության միջոցով պատկերացնել երաժշտությանը համապատասխան շարժումներ, գործողություններ: Այդ ամենը համախմբելով և բեմադրելով ստանում ենք փոքրիկ էտյուդ-ներկայացում: