Մայիսյան հավաք․ Նախագիծ Վիդեոներկայացում

Մասնակիցներ ՝ Հարավային դպրոցի 1․1-ին դասարանի սովորողներ

Ժամանակահատվածը՝ Մայիսի 4-8-ը

Նպատակը՝

  • զարգացնել երեխաների երևակայությունը
  • զարգացնել ինքնուրույն աշխատելու կարողությունները
  • զարգացնել բանավոր խոսքը
  • ձևավորել և զարգացնել կերպարներ ստեղծելու կարողություններրը
  • ընկալել կերտած կերպարը
  • տիրապետել կերպարներին բնորոշ ձայնային ելևէջներին

Ընթացքը ՝ ծանոթանալ նախապես ընտրված հեքիաթին, ըստ դերաբաշխումների կերպարանափոխվել, դառնալ ամպ, անձրև, խոտ, և այլն։ Բեմադրել հատվածները։ Վիդեոտարբերակով առանձին-առանձին նկարահանել առաջադրված հատվածները և ուղարկել ինձ։

Ղազարոս Աղայան. «Ամենաուժեղը»

Գնացի ջաղաց: Ջաղացպանն ինձ ուղարկեց փայտի: Ման եկա, ման եկա,  փնտրեցի, փայտ չգտա: Վերջը գտա մի քոթուկ: Խփեցի, խփեցի, շատ խփեցի ոտքով ու քարով, դուրս չեկավ տեղիցը: Ասացի.
-Ա՛յ քոթուկ, ի՞նչ քաջ ես:
Ասաց.
– Թե որ քաջ եմ, ինչո՞ւ է կացինն ինձ կոտրում:
-Ա՛յ կացին, ի՞նչ քաջ ես:
Ասաց.
– Թե որ քաջ եմ, ինչո՞ւ է դարբինն ինձ ծեծում:
-Ա՛յ դարբին, ի՞նչ քաջ ես:
Ասաց.
– Թե որ քաջ եմ, ինչո՞ւ է երկինքն ինձ տանում:
-Ա՛յ երկինք, ի՞նչ քաջ ես:
Ասաց.
– Թե որ քաջ եմ, ինչո՞ւ է ամպը երեսս ծածկում:
-Ա՛յ, ամպ, ի՞նչ քաջ ես:
Ասաց.
– Թե որ քաջ եմ, անձրևն ինչո՞ւ է մեջիցս վայր թափվում:
-Ա՛յ անձրև, ի՞նչ քաջ ես:
Ասաց.
– Թե որ քաջ եմ, ինչո՞ւ եմ գետնին թափվում:
-Ա՛յ գետին, ի՞նչ քաջ ես:
Ասաց.
– Թե որ քաջ եմ, ինչո՞ւ է ինձ վրա խոտ բուսնում:
-Ա՛յ խոտ, ի՞նչ քաջ ես:
Ասաց.
– Թե որ քաջ եմ, տավարն ինչո՞ւ է ինձ արածում:
-Ա՛յ տավար, ի՞նչ քաջ ես:
Ասաց.
– Թե որ քաջ եմ, ինչո՞ւ է գայլն ինձ ուտում:
-Ա՛յ գայլ, ի՞նչ քաջ ես:
Ասաց.
– Թե որ քաջ եմ, շունն ինչո՞ւ է փախցնում ինձ:
-Ա՛յ շուն, ի՞նչ քաջ ես:
Ասաց.
– Թե որ քաջ եմ, ինչո՞ւ է ծեծում ինձ պառավը:
-Ա՛յ պառավ, ի՞նչ քաջ ես:
Ասաց.
– Թե որ քաջ եմ, ինչո՞ւ ինձնից չի վախենում մուկը:
-Ա՛յ մուկ, ի՞նչ քաջ ես:
Ասաց.
– Թե որ քաջ եմ, ինչո՞ւ է բռնում ինձ կատուն:
-Ա՛յ կատու, ի՞նչ քաջ ես:
Ասաց.
– Այո, քաջ եմ, և այս մեծ տան պահողն եմ, մկներին մահ տվողն եմ,  սուփրի ծայրին նստողն եմ, մեր շան աչքի գրողն եմ:

2 կարծիք «Մայիսյան հավաք․ Նախագիծ Վիդեոներկայացում»-ի վերաբերյալ

  1. Ծանուցում՝ Վիդեոներկայացում․ Ղազարոս Աղայան «Ամենաուժեղը» | Էլիզաբեթ Ադիկյան

  2. Ծանուցում՝ Ղ. Աղայան «Ամենաուժեղը» | Սմբատյան Գոհար

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s